Иран успешно тестираше нова крстосувачка ракета
Иран денеска соопшти дека нивната морнарица успешно истрела нова, локално произведена, крстосувачка ракета за време на воените вежби во северниот дел на Индискиот Океан, во близина на влезот во Персискиот Залив.
За време на вежбите, ракетите со краток и долг дострел успешно беа истрелани од брегот и од палубите на бродовите, погодувајќи цели со голема прецизност, објави иранската новинска агенција Тасним.
Како што наведува, новата генерација крстосувачки ракети, со дострел од 280 километри, била тестирана за време на вежбите на иранската морнарица во Оманскиот Залив.
Пробното лансирање е во време кога Соединетите Американски Држави бараат да се продолжи ембаргото на ООН за оружје кон Иран, кое треба да истече во октомври во согласност со нуклеарниот договор меѓу Техеран и светските сили, од кој Вашингтон се повлече.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници