Иран се закани за кибер напади врз нуклеарните централи

Техеран жестоко ќе одговори на која било земја која ќе се обиде да изврши кибер напади врз иранските нуклеарни централи, изјави началникот на цивилната одбрана на земјата, Голамреза Џалали, како реакција на пожарот во нуклеарката Натанц, за кој иранските власти сметаат дека би можел да биде предизвикан од кибер напад.

Највисокото безбедносно тело во Иран соопшти дека е познато како е предизвикан пожарот во нуклеарната централа, што од безбедносни причини ќе биде откриено во одреден момент.

– Одговорот на кибер нападите е интегрален дел на нашиот одбранбен систем. Докажано е дека сме мета на кибер напади и секогаш жестоко ќе одговориме на нив, порачува Џалали.

Иранската новинска агенција ИРНА објави дека САД и Израел како непријатели се способни за саботажа, но не ги обвини директно за пожарот во нуклеарката Натанц.