Ирачкиот Врховен суд го прогласи курдскиот референдум за неуставен

Врховен суд на Ирак го прогласи за неуставен референдумот за независност на Ирачки Курдистан, спроведен во септември.

Со одлуката на Врховниот суд „се поништуваат сите последици од референдумот и неговите резултати“, стои во соопштението на Судот.

Ирачката Влада го постави поништувањето на референдумот како предсуслов за почнување дијалог.

Курдските власти одбиваат да се откажат од резултатите на рефернедумот, на кој мнозинството од гласачите се изјаснија за независност на Ирачки Курдистан.