Инфоден за програмите „Креативна Европа-потпрограма Култура“ и „Европа за граѓаните“

Во ЕУ Инфоцентарот денеска ќе се одржи Инфоден за програмите на ЕУ „Креативна Европа-потпрограма Култура“ и „Европа за граѓаните“, во рамки на програмата за одбележвуање на 9 Мај-Денот на Европа, во организација на Делегацијата на ЕУ во Скопје и министерствата за култура и за образование и наука.

Како што е најавено, на Инфоденот детално ќе бидат презентирани проектите за соработка односно начините како да се подготви успешен проект.

Проектите,  соопшти Министерството за култура, се наменети за претставници од културниот сектор, локалната самоуправа, образовните институции и други потенцијални корисници на програмите „Креативн Европа-потпрограма Култура“ и „Европа за граѓаните“.