Индонезија ќе затвора нарко дилери на остров на кој стражари ќе бидат крокодили
Шефот на индонезиската Агенција за борба со наркотици, полицискиот генерал Буди Васосо најави дека тој лично ќе ја предводи екипата која треба да определи остров на кој би се затварале осудените нарко-дилери, а најефикасни чувари, според него, би биле локалните и донесените крокодили.
Основна причина за ова се согледувањата дека нарко-дилерите и од зад решетки го контролираат бизнисот со дрога.
Индонезија има регистрирано над пет милиони зависници и по најмалку 50 смртни случаи месечно од предозираност.
Генералот Буди Васесо, кој беше главен кандидат на претседателот Јоко Видодо за прв човек на полицијата во Индонезја, но не беше избран поради спротивставување на Агенцијата за корупција. Сега тој чека дозвола од Министерството за правда за да тргне во оваа невообичаена акција.
Генералот Васесо идната недела ќе посети повеќе фарми каде се одгледуваат крокодили на островот Суматра. Тој ќе патува и на Сулавеси и на Папуа за да се увери кои крокодили се најкрвожедни и најопасни, за да бидат ефикасни чувари на затворениците.
Индонезија има многу строг закон за сузбивање на наркоманијата, а над 150 дилери, од кои 57 странци се погубени или чекаат извршување на смртната казна.
Генералот Васесо ја разбранува меѓународната и домашната јавност со изјавата дека на нарко-дилерите на островите треба да им се овозможи слободно да употребуваат дрога и да го завршат животот од предозираност.
Ново на Сител
-
Тема на денот со Бојан Кордалов, комуниколог
-
Тешка битка со пожарите - спасен живототот на припадник на армијата кој се борел со огнот
-
Мицкоски во Пустец
-
Пожари го пеполосуваат Балканот и поширокиот регион
-
Во Ургентен на Клинички дневно имаат по 10-15 повредени во сообраќајни несреќи
-
Физичка пресметка со секира во центарот на Струмица, еден приведен, друг во бегство
-
Муцунски на состанок за мир во Истанбул – стратешка цел на Западен Балкан е полноправно членство во ЕУ
-
СДСМ бара оставка од министерот за спорт