Има порачки во преработувачката индустрија, но се очекува намалување на вработените
Состојбата на обезбеденоста на производството во преработувачката индустрија со порачки во октомври во однос на септември годинава е пoповолна, очекувањата за обемот на производството во наредните три месеци се поповолни во однос на претходниот месец, а залихите на готовите производи се намалени.
Според оценката на раководителите на фирмите индикаторот на доверба во преработувачката индустрија во октомври во однос на септември годинава е зголемен за 0,8 проценти, а во однос на октомври минатата година за осум проценти, објави денеска Државниот завод за статистика.
Оценката за економската состојба на деловните субјекти што ја изнеле раководителите за октомври годинава е поповолна во однос на претходниот месец, а понеповолна во однос на октомври минатата година. Се очекува бројот на вработените да се намали.
Просечното искористување на капацитетите на деловните субјекти во октомври годинава изнесува 68,1 процент од нормалното искористување.
Најголемо влијание врз ограничувањето на обемот на производството имаат: недоволната странска побарувачка со 20,2 проценти, неизвесното економско опкружување со 17,2 проценти, недостигот на квалификувана работна сила со 15,5 проценти и недоволната домашна побарувачка со 13,4 проценти.
Ново на Сител
-
Путин со декрет ги зголеми руските вооружени сили за 15 отсто
-
Луксон: Мобилните телефони ќе бидат забранети во училиштата во Нов Зеланд
-
Сообраќајот се одвива тековно во зимски услови, по наместа влажни коловози
-
Обилниот снег откажа околу 130 летови од минхенскиот аеродром
-
Зеленски: Војната со Русија е во нова фаза со почетокот на зимата
-
Пендаровски: Имаме големи климатски амбиции - да ги намалиме за 82% нето емисиите на стакленички гасови до 2030
-
Пријавен вработен во Регионалниот центар за гранични работи Север за злоупотреба на службена положба
-
Битиќи: Човечкиот капитал е клучен сегмент во Националната развојна стратегија