Илјадници верници го пречекаа ковчегот со телото на Амфилохије
Илјадници верници се собраа во црквата Христово воскресение во Подгорица за да ги пречекаат остатоците од митрополитот црногорско-приморски Амфилохије кои беа донесен од Цетиње.
Претходно администраторот на метрополата, владиката Јоаникије, во присуство на свештеници, монаси, монахињи и верници во манастирот Цетиње, служеше литургија по повод смртта на митрополитот.
На литургијата присуствуваше и мандатарот за состав на новата Влада на Црна Гора, Здравко Кривокапиќ.
После тоа, остатоците од митрополитот Амфилохије беа испратени од Цетињенскиот манастир во Подгорица во катедралата на Христовото воскресение.
„Ќе биде во Храмот до утре, кога Светата Литургија на Архиепископот ќе ја служи Патријархот на Српската православна црква, Иринеј со повеќе архиепископи на нашата и другите локални цркви, а по литургијата ќе се одржи погребална служба и ќе се изврши погреб“, соопштија од црногорско-приморската Митрополија.
Амфилохије, по сопствено барање, ќе биде погребан во криптата на Соборниот храм во Подгорица.
Институтот за јавно здравје на Црна Гора, „изразувајќи сочувство до верниците, свештенството и монасите на Српската православна црква и истакнувајќи ја почитта што митрополитот Амфилохије ја имаше меѓу народот, предупреди денеска на Твитер дека секој масовен собир и непочитување на мерките „ја прави тешката состојба уште потешка“.
Институтот апелираше до граѓаните строго да се придржуваат кон мерките за превенција, наведувајќи дека тоа е единствениот начин да се спасат животи, како и здравјето на најблиските.
Ново на Сител
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција