И со многу пари не може да се купи Кеита?!

Сопственикот на РБ Лајпциг, Дитрих Матешиц, рекол дека клубот одбил 75 милиони евра кои Ливерпул ги понудил за Наби Кеита.

Менаџерот на Ливерпул, Јирген Клоп, ова лето имаше желба да го донесе играчот од Гвинеја на „Енфилд“, но Лајпциг нема намера да продаде еден од своите најдобри играчи.

„Ние не ги продаваме играчите што се под договор само за профит. Добивме понуда од 75 милиони евра за Кеита, но нема шанса да го пуштиме, тој е под договор“, рекол Матешиц за „Билд“.

„Доколку го продадеме, тоа нема да биде само доказ на недоверба кон нашите навивачи, туку и ќе испратиме погрешен сигнал до останатите играчи, еден од нив е Тимо Вернер за кого добиваме понуди“, дополнил Матешиц.

Наби Кеита (22) има договор со Лајпциг до 2020 година.