И пратеничката Лилјана Затуроска поднесе оставка од Унијата на жени на ВМРО-ДПМНЕ

Генералниот секретар на Унија на жени на ВМРО-ДПМНЕ и пратеничка Лилјана Затуроска денеска поднесе оставка на оваа функција. Претпладнево оставка поднесе и претседателката на Унијата на жени и пратеничка Даниела Рангелова, која изрази несогласување со актуелното раководство на партијата.

– Како генерален секретар поставен од претседателката Рангелова сакам да изразам голема благодарност за довербата која ми ја даде во два наврати и правев се од себе за да ја извршувам функцијата најдостоинствено што можеше. Рангелова и тимот ја поставија Унијата на жени на високото скалило во партијата и така треба да продолжи. Функцијата генерален секретар на УЖ на најголемата и најмоќната партија беше задоволство и предизвик да се извршува. Давам оставка од оваа функција со искрени желби за уште посилни успеси на идниот тим кој ке ја предводи унијата. Стојам на располагање на мојата партија почитувајки ги и извршувајки ги одуките и активности кои ке ми бидат доверени во иднина, напиша Затуроска на Фејсбук.