И дошол дома и мудро ја надитрил - скопјанка остана без своите пари

Во Полициската станица Аеродром, В.К. (65) од Скопје вчера околу 15 часот пријавила дека истиот ден околу 10 часот во село Долно Лисиче непознат сторител и извршил измама во дворот од нејзината куќа.

Пред тоа и се јавил нејзиниот брат Р.В. и кажал дека запознал лице кое продавало дрва по поевтина цена. Таа се согласила да ги купи дрвата. После тоа, нејзиниот брат и непознатото лице дошле кај неа дома, но набргу заминале кон пругите кои водат кон населбата Драчево. Откако пристигнале непознатото лице му кажал на Р.В. да причека, а тој се вратил во куќата на неговата сестра и побарал 9.000 денари за да ги добие документите за дрва од Ј.П. „Македонски Шуми“. Таа му ги дала парите и тој заминал и не се вратил по што заклучила дека била измамена. Се преземаат мерки за целосно расчистување на случајот.