И бугарската Влада го објави Договорот за добрососедство со Македонија

По македонската, и бугарската Влада го објави и го направи јавно достапен Договорот за пријателство, дпбрососедство и соработка меѓу Република Македонија и Република Бугарија.

Договорот е објавен на веб страницата на Министерството за надворешни работи на Бугарија.

Владите на двете земји вчера го одобрија усогласениот текст на Договорот кој треба да го потпишат премиерите Зоран Заев и Бојко Борисов на 1 август во Скопје.

Документот ќе биде потпишан на македонски јазик според Уставот на Република Македонија и на бугарски спроед Уставот на Република Бугарија.

Македонскиот премиер Заев вчера изјави дека Договорот за добрососедство со Бугарија е во согласност со националите интереси на Македонија, нуди огромни можности за соработка и го отвора патот кон ЕУ и НАТО.

Борисов, пак, оцени дека со потпишувањето на Договорот ќе биде отворена нова страница во односите меѓу двете земји и ќе се востановат односи на искрено пријателство, базирани на европските вредности.