Хоти: Косовскиот север може да се интегрира само во нормална ситуација и без притисоци
Поранешниот косовски премиер, Авдулах Хоти вели дека единствено во нормална ситуација и без притисоци може да се постигне интеграцијата на северот на Косово, населен со мнозинско етничко српско население, во политичкиот, економскиот и општествениот живот на државата, јави дописникот на МИА од Приштина.
Преку својата страница на Фејсбук, Хоти порача дека „Косово има потреба од нормалност во политиката, економијата и односите со странство“.
– Само во една нормална ситуација може да има развој и подобар живот за сите граѓани без исклучок. Секој друг пристап е штетен и опасен по евроатлантската иднина на Косово, вели Хоти.
Во северно Косово веќе дваесетина дена се одржуваат протести на локалното мнозинско српско население против новоименуваните градоначалници Албанци во тамошните четири општини, кои беа избрани на вонредните избори во април годинава, кои Србите ги бојкотираа.
Меѓународната заедница, пред сé САД и Европската унија, најавуваат санкции за Косово, доколку премиерот Албин Курти не ги исполни нивните барања за смирување на состојбите во тој дел од земјата, пред сé повлекување на специјалните полициски единици кои ги обезбедуваат тамошните општински згради, како и што поскоро одржување нови вонредни локални избори, на кои ќе учествуваат и Србите.
Ново на Сител
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО