Холандија на суд за соучесништво во воени злосторства во Газа
Претставници на холандската држава в понеделник ќе се појават пред Окружниот суд во Хаг под обвинение за соучесништво во воени злосторства во Газа, поднесенo од организации за човекови права за извоз на делови за борбени авиони Ф35 во Израел, соопшти судот.
Организациите, вклучително и холандските ограноци на Амнести Интернешнл и Оксфам, тврдат дека „Холандија придонела за широко распространето и сериозно кршење на хуманитарното право од страна на Израел во Газа“ со тоа што дозволила испорака на резервни делови за израелски борбени авиони додека конфликтот е во тек.
Холандската министерка за одбрана одби да го коментира случајот, а претходно овој месец, холандскиот весник НРЦ објави наводи од владини извори дека Холандија дозволила испорака на делови за израелски воени авиони, и покрај предупредувањата од правните советници дека тоа би можело да биде прекршување на меѓународното право, бидејќи авионите се користат во бомбардирањето во Појасот Газа.
Неколку претставници на Обединетите нации, вклучително и Високиот комесаријат за човекови права на ОН, предупредија дека израелските воздушни напади врз Газа може да се претстават како воени злосторства, со оглед на големиот број цивилни жртви.
Израел, сепак, ги негира обвинувањата за воени злосторства, велејќи дека неговите воени сили се придржуваат до меѓународното право. По нападот на Хамас на почетокот на октомври, Израел го бомбардираше Појасот Газа седум недели, пред почетокот на сегашното примирје. Според палестинските здравствени власти, во тој период биле убиени повеќе од 15.000 жители на Газа.
Ново на Сител
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија