Хашим Тачи оддаде почит пред споменик на убиените косовски Срби
Косовскиот претседател Хашим Тачи положи свежо цвеќе на споменикот на убиените косовски Срби во Велика Хоча кај Ораховац и во Сува Река.
- Само што положивме цвеќе на споменикот посветен на 84-та српски граѓани од Косово, за да им оддадеме почит на жртвите без разлика на националноста. Тука сме за да ја побараме вистината и да побараме помирување, изјави Тачи.
Како што јави дописникот на МИА, Тачи побара што побрзо да се расветли судбината на исчезнатите и да дојде до помирување.
- Косово не треба да остане заложник на минатото, туку да ја изгради европска иднина, рече Тачи.
Тој исто така додаде дека од средбите што ги имал со семејствата на исчезнатите од сите етнички заедници, станал оптимист за можноста за помирување во Косово.
- Во текот на средбите кои ги имав со семејствата на исчезнатите, дознав една болна, но и оптимистичка вистина за иднината на Косово. Семејствата на исчезнатите ни кажаа дека болката ги обединила и сега се едно семејство кое дели болка, но и желба за помирување, посочи Тачи.
Според него, семејствата на исчезнатите се пример и за другите како треба да се соработува еден со друг, за да се изгради мост на дијалог и соработка.
Во Сува Река, Тачи положи цвеќе и на споменикот на семејството Бериша.
- Тука сме да оддадеме почит на семејството Бериша и да побараме целосна правда. Максимално ќе работиме за да се разветли иднината на исчезнатите, рече Тачи.
Ново на Сител
-
До петок променливо време, за викендот стабилно и топло
-
Мицкоски: До сега во неколку случаи сум разочаран од делувањето на обвинителството и судството
-
Момчето убиец од Рибникар: Се чувствував отфрлено од децата и затоа го направив тоа
-
Бурим Латифи: Сите информации за наводно потрошени пари се само лажни вести
-
Од 2013 до 2021 годишно мигрирале по околу 2.500 високообразовани кадри
-
Иран ја активирал противвоздушната одбрана над градот Исфахан
-
Уапсен пензионер (64) од Кичево, кај него пронајдени тегли марихуана и дигитална вага
-
Владата сака да сме дел од ЕУ, но не по секоја цена, СДСМ бара затворена собраниска седница за евроинтеграциите