Хан во посета на Србија, поддршка на реформите и евроинтеграцијата
Еврокомесарот за проширување и соседска политика Јоханес Хан вчера и денеска престојува во посета на Белград, во рамки на која ќе се сретне со српскиот премиер Александар Вучиќ и со претставници на новиот владин состав.
Целта на посетата е еврокомесарот да разговара за натамошните чекори на Србија на патот кон Европската унија, како и да ја изрази силната поддршка на ЕУ за реформската програма и процесот на европските интеграции на Србија, соопшти Делегацијата на ЕУ во Србија.
Хан додаде дека во рамки на пристапниот процес претставниците на ЕУ ќе се фокусираат на работа со српските власти на важни теми како јакнење на владеењето на правото, регионалната соработка и процесот на нормализација на односите меѓу Белград и Приштина
- Сакаме да понудиме техничка и финансиска поддршка за да продолжи фискалната консолидација, да се поттикне економскиот раст и да се обезбедат подобри можности за компаниите, особено за младите претприемачи и за младите воопшто, рече Хан.
Тој денеска ќе се состане со Вучиќ и ќе се обрати до членовите на Владата на Србија.
Ново на Сител
-
Одбележување на 5 Maj - Денот на македонскиот јазик
-
Православните верници го слават Велигден
-
ЦУК: Имаше пожар во Домот за стари лица во Банско
-
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
-
Италија ја исклучи можноста за воена интервенција во Украина
-
Русија распиша потерница и за командантот на копнените сили на Украина, Пављук
-
Шолц го осуди нападот врз европратеник од германската Социјалдемократска партија
-
Состојба на патиштата