Хакери објавија податоци за албанскиот премиер Еди Рама
Иранските хакери кои 14 месеци влегуваа во албанските владини системи, продолжуваат да објавуваат чувствителни податоци, а овој пат нивна мета стана премиерот Еди Рама, јави АБЦњуз.
На мрежата Телеграм хакерите јавно ги објавија сите лични податоци на шефот на албанската Влада. Меѓу нив има лични карти, пасоши, адреса на живеење и други податоци. Јавно се објавени и сите влезови и излези на премиерот од и во Албанија од 2005 до мај годинава.
Според истиот извор овој документ ги содржи податоците за 394 патувања на премиерот, од кои повеќето биле со авион, но во некои случаи тој заминал со автомобил од Албанија преку граничните премини со Грција или Северна Македонија.
Она што е забележливо е дека многу често патувал со скапи чартер летови, а најчеста дестинација на премиерот Рама е Турција.
Од податоците на системот TIMS што го објави иранската хакерска мрежа „татковинска правда” се наведува дека Рама годинава од 15 летови надвор од Албанија дури 13 се со чартер.
Хакерите податоците ги објавија во момент кога во Тирана беше претседателката на Европската комисија Урсула фон дер Лајен.
На нивната веб-страница групата деновиве објави податоци за директорот на албанската тајна служба, ШИШ, Хелидон Бендо.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција