Хајди Клум на забава за Ноќта на вештерките се појави со пет двојнички

Забавите по повод Ноќта на вештерките што ги организира Хајди Клум со години привлекуваат глобално внимание, а освен големиот број присутни, кои вложуваат голем труд околу неверојатните маски, редовно најмногу фасцинираат токму маските на славната манекенка.

И оваа година Хајди со денови ја подготвуваше нејзината маска и ја поттикнуваше имагинацијата на нејзините фанови со детали на социјалните мрежи.

Иако за нејзините костими од претходните години се говореше и во шоуто на Елен де Џенерес, никој не успеа да погоди дека сега ќе се маскира во самата себе заедно со уште пет нејзини двојнички.

Освен костимот, нејзинте двојнички имаа и идентични фризури, а нивните лица беа трансформирани од професионални шминкери, за да личат на Хајди.