Гвардиола: Агуеро е легенда на Манчестер Сити

Тренерот на Манчестер сити, Хосеп Гвардиола ја коментираше најавата на напаѓачот на „граѓаните“, Серхио Агуеро, за заминување од тимот на крајот на сезоната.

– Ни претстојат уште два месеца заедничка работа. На тренинг, Серхио изгледа одлично. Агуеро е незаменлив за нас. Секако, статистички можеме да го замениме, но тој има 360 натпревари за Манчестер сити, постигна над 250 гола, освои многу титули. Тој е легенда, најдобриот напаѓач на клубот во последните неколку години. Ќе остане незаменлив за нас, за нашите навивачи, играчи и тренери. Сигурен сум дека Серхио е во состојба да настапи на високо ниво најмалку уште 3 до 5 години, истакна Гвардиола за „Скај Спорт“.

Агуеро се пресели во Манчестер сити во 2011 година од Атлетико. Одигра 384 натпревари со „граѓаните“, постигна 257 погодоци и 73 асистенции. Аргентинскиот напаѓач освои четири титули во англиската лига со Манчестер сити и е најдобар стрелец во историјата на англиската Премиер лига кај странците.

Манчестер Сити ќе постави статуа на Агуеро на клупскиот стадион покрај статуите на екс-клупските играчи Давид Силва и Винсент Компани.

Во сезоната 2020/21, Агуеро забележа 14 настапи за Манчестер сити, постигнувајќи 3 гола.