Гутереш: Страните во палестинско-израелскиот конфликт да го почитуваат примирјето
Генералниот секретар на ОН Антонио Гутереш го поздрави договорот за прекин на огнот меѓу Израел и радикалните палестински групи во појасот Газа, изразувајќи надеж дека сите страни ќе го почитуваат.
– По 11 дена крвави борби, го поздравувам прекинот на огнот меѓу Појасот Газа и Израел, рече Гутереш изразувајќи „најдлабоко сочувство до семејствата на жртвите“.
– Откако ќе се стабилизира примирјето, мора да продолжи мировниот процес на Блискиот исток, истакна генералниот секретар на ОН.
Вооружениот конфликт почна пред 12 дена, по неколкудневни немири во источен Ерусалим и на Ридот на храмовите каде беше првото место на конфликтот меѓу Израелците и Палестинците.
Израел смета дека му припаѓа и окупираниот источен дел на Ерусалим, каде што живеат Палестинци, кои го сметаат за главен град на нивната идна држава.
Судирите во тој дел од градот почнаа поради најавата дека некои палестински семејства ќе бидат иселени од нивните домови во тој дел на градот и ќе се населат Израелци.
Ново на Сител
-
Тема на денот со Даниела Николова, пратеничка од СДСМ
-
22 годишна девојка загина на пешачки
-
Колку реално чини потрошувачката кошничка - жестока расправа на пратенички прашања
-
Преглед на вестите од светот
-
22 годишна девојка загина на пешачки
-
24 пешаци загинале само минатата 2024 година
-
Судовите оценети со тројка
-
Определен притвор за битолскиот хирург осомничен за мито