Гутереш апелира за укинување на забраната на Трамп

Генералнито секретар на Обединетите нации Антонио Гутереш повика денеска на укинување на уредбата на американскиот претседател Доналд Трамп за забрана за влез во САД за државјани на седум претежно муслимански држави.

Тој истакна дека тие мерки нема да ги спречат терористите да влезат во САД.

– Мислам дека тие мерки мора да бидат укинати што е можно побрзо, посочи Гутереш.

Тој додаде дека наредбата не е најдобар начин САД или некоја друга држава да се заштитат од можно инфилтирање на терористи.