Груевски се сретна со претседателот на ИРИ и регионалниот директор за Европа

Лидерот на ВМРО-ДПМНЕ, Никола Груевски оставри средба со потпретседателот на ИРИ Томас Гарет и регионалниот директор на ИРИ за Европа, Јан Сурочак.

На средбата што се одржа вчера се разговарало за можните форми на соработка, отвореноста за комуникација и плановите на ИРИ за работа во регионални рамки.

Груевски, како што информира партијата, ги информирал соговорниците за актуелната општествено-политичка ситуација и ја афирмирал заложбата на ВМРО-ДПМНЕ за организирање на слободни, фер и демократски избори.

Груевски ја изразил максималната поддршка што ја дава ВМРО-ДПМНЕ на институциите и одговорните субјекти надлежни за изборите во однос на активностите за нивно организирање, на датумот утврден со изборниот закон кој беше прифатен од парламентарните партии.

Груевски ја истакнал подготвеноста за соработка со ИРИ во полињата каде постои взаемен интерес.