Груевски: Се рестартира уште еден капацитет упропастен во периодот на болната транзиција- Нови 1.000 вработувања во германската компанија која денес почнува со работа
Денес и официјално почнува со работа германската компанија „СТС Текстајлс“, напиша лидерот на ВМРО-ДПМНЕ Никола Груевски на својот Фејсбук профил.
Во продолжение следува интегрален текст од статусот на Груевски.
-Нови 1.000 работни места ќе бидат отворени со инвестицијата на германската компанија, која отвора фабрика за производство на технички и индустриски текстил во Велес.
Фабриката ќе биде сместена во просториите на поранешната фабрика „Нонча Камишева“, позната како поранешна „Свилара“. Со ова уште еден капацитет упропастен во периодот на болната транзиција се рестатира. За инвестицијата во Македонија, германската „СТС Текстајлс“ ја отвори компанијата „Лутекс Македонија“.
Во почетокот ќе бидат вработени 50 лица, а во следните пет години, се планира да бидат ангажирани до 1.000 лица при што ќе бидат инвестирани до 7 милиони евра.
Повеќето од производите ќе се извезуваат во Германија, Франција, Италија и во Полска. Тоа ќе значи нов девизен прилив во Македонија, но и можност за стабилна работа за многу семејства од Велес и околината. Отворањето на нови работни места е она што го прави подобар животот на граѓаните и она што останува наш прв приоритет до последниот ден додека ВМРО ја има одговорноста да управува со државата. Нека е со среќа. Велешани како и Македонија добиваaт уште една нова фабрика!
Ново на Сител
-
Венко Филипче влегува во трката за нов лидер на СДСМ
-
Двајцата пратеници на НСДП во Собранието ќе делуваат опозициски
-
Со МЗШВ до изборот на нов министер ќе раководи заменик министерката Вјолца Бериша
-
Павловска Данева ја повлече кандидатурата за претседател на Уставен, Васиќ Бозаџиева не го доби потребното мнозинство
-
Санкционирани 185 возачи на мотоцикли
-
ДС: Реорганизација на министерствата
-
Приведен разбојник во Гостивар за издржување шестгодишна затворска казна
-
ДИЦ денеска ќе одлучува во врска со споделувањето на тестот од државната матура