Груевски: Отворивме 150.000 нови работни места

Невработеноста падна на најниско ниво, отворени се 150.000 нови работни места.

 

Ова денеска го истакна претседателот на ВМРО-ДПМНЕ, гостувајќи во дневникот на Сител телевизија.

 

-Намалувањето на даночната стапка за отворање нов бизнис во Република Македонија изнесува 7,4%. Важна работа е што ни донесе инвестиции и нови работни места. Секоја недела имаме новина со нова фабрика, инвестиција, нешто што порано не беше тема кај нас, немаше такво нешто. Се отворија 150.000 нови работни места. Ако имавме 560.000 вработувања во средина на 2006 година, сега имаме 150.000 повеќе и невработеноста од 38 падна на рекордно ниски 24, 6. Уште треба да се намалува, но никогаш не била пониска, потенцираше Груевски.