Груевски: Наскоро средства за компаниите од вториот оглас на Фондот за иновации
На вториот оглас на Фондот за иновации и технолошки развој на располагање се 450.000 евра за стартап и спинап компани и се очекува избраните компании во наредните неколку месеци да ги добијат средствата, најави лидерот на ВМРО-ДПМНЕ Никола Груевски при денешната посета на Пробиштип.
- Според планот од минатата година што го утврди Владата, оваа година се планирани три огласи. Едниот веќе заврши и е за 1,35 милиони евра, а за вториот оглас денеска истекува рокот по што ќе следува евалуација, изјави Груевски, одговарајќи на новинарско прашање.
Тој прецизира дека согласно закон се предвиде меѓународен борд на експерти да ги проценува проектите и врз основа на таа проценка да даде препораки на институцијата и на Владата во кои проекти вреди да се инвестира.
- Веројатно ќе им бидат потребни околу месец, два до три и очекувам некаде во октомври за оваа втора фаза во која се на располагање 450 илјади евра да бидат донесени одлуките и во наредните неколку месеци тие средства да им бидат доделени на компаниите што ќе добијат на огласот, рече Груевски.
Тој додаде дека е можно да има и трета фаза, но посочи оти ќе зависи од тоа дали ќе биде попречена од изборите. Третата фаза, како што рече, располага со најмногу средства - 2,2 милиони евра и доколку постои можност третиот оглас ќе се објави до крајот на годината.
- Задоволство ми е што успеавме овој проект да го истуркаме од самиот почеток од една идеја кога неколку луѓе разговаравме во Владата и одлучивме дека Македонија треба да добие Фонд за поддршка на иновациите. Стартувавме со комитет за иновации, потоа тој комитет подготви закон, се создаде Фондот, се опреми логистички и сега е во фаза кога може да доделува средства за инвестиции, посочи Груевски.
Од првата фаза во која се доделија средства, нагласи, досега 33 проекти добија средства од кои 16 се веќе во завршна фаза на моделирање на лансирање на нивниот производ.
- Има многу интересни производи кои ќе бидат претставени наскоро и кои веорјатно ќе и бидат интересни на јавноста и ќе бидат комерцијализирани. Се надевам дека некои од нив ќе ги надминат границите на Македонија и ќе бидат производи кои ќе се продаваат во целиот свет, а ќе отворат и нови работни места. Ако само еден производ успее да се наметне како интерес во целиот свет може да донесе огромен број вработувања ако доведе до помасовно производство во Македонија, оцени Груевски.
Ново на Сител
-
Започнува УЕФА ЕУРО 2024 - Oтвораат Германија и Шкотска
-
БЕСА ги објави кандидатите: Лимани ќе биде министер за социјална политика, Дурмиши за економија
-
Формирање комисии и апанажи на дневен ред на собраниската Комисија за прашања на изборите и именувањата
-
Без струја делови од Центар и делови од Карпош, Ѓорче Петров и Студеничани
-
37 годишна жена изврши двојно убиство во Кратово
-
Министрите за одбрана на НАТО во очекување да одобрат долгорочна мисија за поддршка на Украина
-
Лидерите на Г7 ќе го продолжат својот годишен самит
-
Состојба на патиштата