Грција: Вакцинираните лица можат да одат во ресторани без маска

Грција ќе овозможи на луѓето кои се целосно вакцинирани да престојуваат во рестораните и во баровите без маски, соопшти денеска грчката влада, во желба да ја зголеми стапката на вакцинирани.

– Прва цел е да се олесни проектот за вакцинација. Да донесеме што повеќе луѓе во центрите за вакцинирање – изјавил грчкиот министер без ресор Јоргос Герапетритис, пренесува Ројтерс.

Луѓето кои не се целосно вакцинирани ќе може да влегуваат во ресторани, театри и во кина, ама ќе мора да покажат негативен брз тест, соопштиле властите.

Од 15 јули, според соопштението, прв пат на спортските настани ќе биде дозволено присуство на вакцинирани гледачи, но тие ќе мора да носат маски.

Носењето маски и натаму ќе биде потребно во театрите и во кината.