Грција од есен ќе дава нови дозволи за телевизиите

Грчкиот телевизиски пејсаж ќе се промени од есен, изјави заменик-министерот за инфраструктура, транспорт и мрежи Христос Спирцис.

Во интервју за државната агенција АНА-МПА, Спирцис рече дека се очекува деновиве во Парламентот да се расправа за нацрт-законот за телевизиски лиценци.

- Се обврзавме кон грчкиот народ дека ќе усвоиме институционални закони кои ќе донесат поголема транспарентност во медиумите, истакна тој.

Спирцис, исто така, појасни дека секој ќе може да учествува на тендерот, под еднакви услови.