Грција ќе гради нови населби за бегалците
Изградба на нови населби за бегалците, со куќи наместо шатори по моделот во Елеонас ќе започне кон крајот на јуни, а поголемиот дел од привремените објекти за сместување ќе бидат урнати во септември, изјави грчкиот министер за миграциска политика, Јанис Музалас во интервју за јавниот радиодифузен сервис ЕРТ.
Тој додаде дека распределбата на бегалците во Грција ќе се врши врз основа на географски и податоци за населението.
Музалас истакна дека следен приоритет на Владата е трансфер на бегалците од поранешниот аеродром во Елинико. Тој објасни дека постапката за азил е во тек, додавајќи дека секој ден се разгледуваат по 50 случаи. Министерот рече дека има долги одолговлекувања во сместувањето на малолетни лица без придружба и вети дека до крајот на јуни ќе има уште 800 нови места за сместување.
Тој рече дека е задоволен од напредокот во справувањето со бегалците со оглед на тоа што во Грција пред една година немаше никакви објекти за сместување, а требаше да смести од 55 до 60 илјади бегалци кога границите се затворија.
Музалас истакна дека договор меѓу ЕУ и Турција е клучен за позитивен исход во однос на прашањето за бегалците.
- Ние ги исполнивме нашите ветувања, ЕУ и Турција треба да го сторат истото, рече тој и додаде дека присуството на НАТО не го намали протокот на бегалци, но така било договорено.
Музалас подвлече дека „западниот свет мора да усвои политика за миграцијата“ затоа што миграцијата ќе трае долги години поради војните, сиромаштијата и климатските промени.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО