Грчкиот Парламент го изгласа амандманот за задолжителната вакцинација на лица над 60 години
Со гласовите од пратениците на владејачката Нова демократија и опозициската Движење на промена, грчкиот Парламент синоќа го изгласа амандманот за задолжителната вакцинација на лицата над 60 години, јави дописничката на МИА од Атина.
Против гласаа останатите опозициски партии, односно СИРИЗА, Комунистичката партија, Грчко решение и МЕРА25.
Амандманот предвидува дека „од неопходни причини за заштита на јавното здравје, задолжително се вакцинираат против Ковид-19 сите физички лица со живеалиште или престој на грчка територија, а кои се родени пред 31 декември 1961 година“.
Лицата за кои важи задолжителната вакцинација, мора да ја имаат примено првата доза до 16 јануари 2022 година.
Во случај на непочитување на обврската се изрекува административна глоба од 100 евра месечно.
Доколку првата доза се прими до 15 јануари и се заврши вакцинацијата според пропишаните процедури и во предвиденото време, казната е 50 евра.
Казната ја заверува и наплатува Независната управа за јавни приходи, а собраните средства ќе се користат исклучиво за зајакнување на националниот здравствен систем во битката со пандемијата.
Од задолжителната вакцинација ослободени се оние кои прележале Ковид-19 во последните 180 дена или имаат докажани здравствени причини кои ги спречуваат да се вакцинираат.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп