Грчкиот министер за внатрешни работи оптимист за постигнување добар договор
Грчкиот министер за внатрешни работи и административни реформи Никос Вуцис денеска изјави дека верува оти Грција ќе може да постигне добар договор за условите од пакетот за економско заздравување предаден на меѓународните кредитори.
- Оптимисти сме за добар договор. Ќе разговараме за него и јас сум оптимист дека се ќе биде добро, изјави Вуцис пред парламентарна средба на пратениците од владејачката Сириза.
Грчката Влада на денешната седница на Парламентот ќе бара одобрување на предлогот-реформи за договор со кредиторите на земјата.
Според првичните информации, премиерот Алексис Ципрас во новиот план реформи за стабилизирање на економската ситуација на земјата се согласува на зголемување на данокот и реформа на пензискиот систем, во согласност со барањата на Европската комисија, Европската центрана банка и Меѓународниот монетарен фонд, пренесува Би-Би-Си.
Освен тоа грчката Влада планира да ги намали буџетските трошоци за над 12 милијарди евра.
Грција во замена за отстапките очекува кредиторите да дозволат ревизија на целните параметри за првичниот буџетски суфицит за следните четири години и одобрување нова финансиска помош од 53,5 милијарди евра до крајот на јуни 2018 година.
Министрите за финансии на земјите од еврозоната утре се очекува да ги анализираат предложените реформи, а во недела тие ќе бидат резгледани и на Самитот на ЕУ.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто