Грчки пратеници – лекари изразуваат подготвеност да се вклучат во битката со Ковид-19
По двајцата пратеници, еден од Комунистичката партија и еден од Нова демократија, сега и десет пратеници од СИРИЗА, лекари по професија, изразуваат подготвеност да се вратат во болниците, да го помогнат здравствениот систем и волонтерски да се вклучат во битката со пандемијата, јави дописничката на МИА од Атина.
Секретарката на пратеничката група на СИРИЗА, Олга Геровасили, која и самата е лекар, преку писмо, денеска го информираше министерот за здравство на Грција дека сите пратеници што се лекари „со целосно чувство на одговорност кон грчкиот народ и поради потребата на здравствениот систем, стојат на располагање да го поддржат здравствениот систем“.
Меѓу пратениците од СИРИЗА има кардиолог, микробиолог, дерматолог, гинеколог, хирург – специјалист за интензивна нега, педијатар.
Иницијативата за замена на пратеничкиот костумот со бел мантил ја покрена вчера Јоргос Лабрулис, пратеникот од Комунистичката партија, кој е и еден од шесттемина потпретседатели на грчкиот Парламент и кој преку писмо до првиот спикер, побара привремено да биде ослободен од должностите.
По него следеше еден пратеник од Нова демократија, додека пак во текот на денешниот ден, освен членовите на СИРИЗА, се понудија уште двајца пратеници од владејачката партија и една пратеничка од опозициската Грчко решение.
Ново на Сител
-
Меџити влегува во изборна трка за Чаир – ДУИ бара преизборен ветинг
-
ССМ на утрешната седница на ЕСС ќе бара 500 евра минимална плата – Премиерот изјави дека платите ќе растат
-
Министерката Јаневска и премиерот на увид во градежните работи во студентскиот дом „Кузман Јосифовски Питу“
-
ВМРО-ДПМНЕ ќе гласа за интерпелацијата на Коцевски, дали државниот Јавен обвинител ќе биде разрешен?
-
Утре состанок на социо-економскиот совет, ССМ ќе бара зголемување на платите за 6000 денари
-
Министерката Јаневска и премиерот на увид во градежните работи во студентскиот дом Кузман Јосифовски Питу
-
„Вкуси го Охрид локално – Празник на локалната храна, културата и занаетчиството
-
Штип „безбеден град“ – инсталација на 24 часовен видео надзор