Грчката полиција во борба против ширењето на „гасот за смеење“

Солунскиот обвинител Елефтериос Михаилидис побара од полицијата да ја интензивира операцијата за спречување на ширењето гас за смеење, откако продажбата на мали канистри со азотен оксид стана многу популарна кај младите луѓе, особено на некои грчки острови.

Во изминатите неколку дена полицијата на Крф запленила речиси 2.500 мали канистри и уапсила шест лица за продажба на гасот за смеење во кафулиња и барови на островот.

Овој гас е е еден од најшироко користени опојни супстанци во неколку европски земји и е поврзан со неколку смртни случаи. Еден 18-годишен британски турист неодамна претрпе оштетување на мозокот од вдишување на хемикалијата додека бил на одмор на Крит.