Грчката полиција со солзавец против демонстрантите на Хиос

Полицијата на грчкиот остров Хиос сношти искористи солзавец за да ја растури толпата демонстранти коишто протестираа против прифаќањето на бегалци на островот, пишува „Прото тема".

Протесниот собир на локалното население започна мирно, но до безредие дојде кога протестирачите се насочија кон кампот Суда, каде се сместени 1.800 бегалци. Полицијата се обиде да ги запре, но кордонот беше пробиен, поради гнев од присуството на новинари и репортери.

Около 150 демонстранти успеаја да стигнат до бегалското прифатилиште, каде што извикуваа пароли против штитениците.