Грчката берза и денеска ќе стане затворена

Грчката берза ќе остане затворена и денеска, но би можела повторно да почне да работи утре, по едномесечна пауза, соопштија извори од грчкото Министерство за финансии.

- Сигурно е дека нема да отвориме во понеделник, можеби во вторник, изјави претставник на берзата кој побарал да остане анонимен.
Друг извор потврди дека грчките власти имаат за цел берзата да биде отворена утре.

Грчката берза е затворена од 29 јуни, кога Грција ги затвори банките и наметна контрола на капиталот за да се сопре повлекување на депозити што можеше да го урне грчкиот финансиски систем.