Грчката академија на науките и уметностите поддржува решение на името со промена на Уставот
Грчката академија на науките и уметностите преку соопштение ги коментира разговорите за името меѓу Македонија и Грција, посочувајќи дека е потребен договор затоа што тоа е во интерес на двете земји, но како предуслов споменува уставни промени.
Во соопштението објавено од грчките медиуми, Академијата наместо привремената референца ПЈРМ, за нашата земја ја користи фразата „државата на Скопје“, јавува дописникот на МИА од Атина,.
„Академијата забележува дека неопходен предуслов за било каков договор за името на државата на Скопје треба да биде измена на Уставот, напуштање на иредентистичките барања (учебници, географски карти, споменици на Александар Велики итн) и присвојувањето на историјата, на културата и на симболите на нашата земја. Местото на населување на еден народ не го одредува нивниот идентитет. Одолговлекувањето на нерешеното прашање не е во интерес на двете земји“, се наведува во соопштението што го пренесуваат грчките медиуми и го коментираат како една од ретките реакции и ретките случаи кога Академијата зазема став.
Ново на Сител
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила