Граѓани, меѓу кои и мали деца, не можеле да се симнат од Водно со Жичницата поради силен ветер
Поголема група граѓани, меѓу кои и деца денеска не можеле да се симнат од врвот на Водно со Жичницата поради силниот ветер. Од Центарот за управување со кризи информираат дека проблемот е надминат откако Жичницата била повторно ставена во употреба.
-На телефонски број за итни повици 112 во 15:40 часот добиена е пријава од лице кое се наоѓало на Водно кај Крстот, каде известува за поголема група на луѓе меѓу кои и многу мали деца кои чекаат да се симнат по жичарата, меѓутоа поради големите ветрови на истите од страна на вработените на Жичарата не им е дозволено да се симнат со лифтот, наведуваа од ЦУК.
Лицата побарале помош за симнување, посочувајќи дека биле известени од страна на вработените во Жичарата дека патот е подзамрзнат и тешко е со кола да се стигне до местото каде се наоѓале луѓето.
За настанатата состојба ЦУК го известило одговорното лице од Град Скопје и ЈСП Скопје. По извршените контакти со одговорното лице, Жичарницата била ставена во функција и луѓето безбедно се симнале надолу до Средно Водно.
Од страна на Град Скопје е известен и Црвениот Крст чии претставници се наоѓале на лице место и им помагале на луѓето безбедно да се симнат надолу.
Состојбата е надмината и временските услови се стабилизирани, соопштија од ЦУК.
Ново на Сител
-
Пендаровски: Невкусно е во време на криза да се покачуваат платите кои се исплаќаат од буџетот
-
Лога го потпиша решението за неусогласеност на името на Здружението ,,Цар Борис III “ Охрид
-
Земјотрес почувствуван во Штип и околината
-
ДПИ: Извршени над 500 инспекциски надзори, наплатени над 180 прекршоци во вредност од над 6.500.000 денари
-
Муцунски: Зголемувањето на платата целосно ќе го донирам во хуманитарни цели и за семејствата на уставобранителите
-
Уапсени 10 лица од Скопје, Тетово и Велес кои сексуално злоупотребувале малолетничка
-
Битиќи: Економијата не може да чека, потребни се работници веднаш
-
Маричиќ во работна посета на Шведска