Градските автобуси со изменет возен ред за новогодишните и божикните празници

Aвтобусите од јавниот превоз во Скопје за новогодишните и божикните празници  ќе сообраќаат по изменет возен ред. Денеска 1 јануари ќе сообраќаај по неделен возен ред, информираат од ЈСП Скопје, а утре 2-ри јануари по делничен возен ред.

Исто така од 3 јануари автобусите од јавниот превоз ќе возат по вообичаен, делничен возен ред, но, имајќи во предвид дека во меѓувреме ќе започне и зимскиот училиштен распуст, возниот ред ќе биде редуциран. На 7 јануари (понеделник) автобусите ќе возат по неделен возен ред, соопшти ЈСП Скопје.

Ноќните линии на 1 јануари (вторник кон среда), ќе работат по возен ред како во сабота према недела.

-Жичницата на Водно на 1 јануари ќе почне со работа од 11 часот. Поради техничкиот проблем на веб страницата на ЈСП Скопје, во делот за избор на датум на возниот ред, сакаме да напоменеме дека информации за возниот ред можат да се добијат и во Диспечерски центар на телефонот 3173-224, порачуваат од ЈСП Скопје.