Градоначалникот на Скопје Шлегов во посета на Тирана
Градоначалникот на Скопје, Петре Шилегов и неговиот домаќин, првиот човек на Тирана, Ерион Велиај, оцениле дека односите и соработката меѓу двете метрополи ќе бидат на едно ново ниво, ползувајќи го меѓусебното искуство.
- Многу сум ентузијаст во врска со фактот што премиерот Рама и премиерот Заев започнаа нова ера на соработка меѓу Албанија и Македонија, сега на ред се градовите, па така Скопје и Тирана треба да продолжат со истата енергија. Шефовите на владите, секако, имаат обврска да ги обединат нациите, а во градовите се движи животот, се одвива стопанскиот, трговскиот, културниот и уметничкиот живот, оценил Велиај, објави ТВ Топ Чанел, пренесува МИА.
Тој посочил дека има многу области каде што двете општини можат да имаат конкретна соработка и најави дека исто така работат на конкретен календар на активност.
- Со нетрпение очекувам во 2018 година да имаме заеднички календар помеѓу Тирана и Скопје за многу од овие активности. Следната година ќе го посетам Скопје, во официјална посета и со нетрпение очекувам, како што рече Петре, да научме еден од друг. Ако нешто подобро се направило во Скопје, треба да го сториме тоа и во Тирана и обратно, она што е добро во Тирана, можеме да го споделиме со Скопје, Приштина или други градови, рече Велиај.
Скопскиот градоначалник Петре Шилегов му се заблагодарил на градоначалникот Велиај за неговото гостопримство и додал дека меѓу двете општини постои волја и желба за унапредување на соработката и размена на искуства во полза на животот на граѓаните.
Градоначалникот Велиај беше домаќин на неговиот скопски колега Шилегов, една година по потпишувањето на меморандумот за збратимување.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници