Грабул и Србљак во борба за шампионската титула

Во финалето кај мажите на државното првенство во тенис ќе играат Димитар Грабул и Горазд Србљак. Грабул очекувано го совлада Марио Герасимовски со 2-0 во сетови (6:1 и 6:2), додека Србљак беше поуспешен од Шендрит Деари со 2-0 (7:5 и 6:4).

Во женското финале ќе играат Катарина Маринковиќ и Ана Ристевска. Маринковиќ во полуфиналето со 2-1 вос етови ја победи Теона Велковска (4:6; 6:2 и 6:1), додека Ристевска беше подобра од Марија Еленова со 2-0 (6:3 и 6:4).

Почетокот на женското финале е во 10 часот, додека машкото финале нема да почне пред 12 часот. 

Финалните мечеви како и целиот турнир од државното првенство се игра на терените на ТК Југ во Градски парк.