Гори Балканот: Пожари во БиХ, Хрватска и Црна Гора
Повеќе десетици шумски пожари денеска беснеат во делови од Босна и Херцеговина, Хрватска и Црна Гора.
Како што соопшти службата за Цивилна заштита на Босна и Херцеговина, во последните 24 часа на територијата на земјата се регистрирани 23 пожари, од кои претежно се зафатени тревни површини и нискостеблеста шума.
Најголемиот пожар беснее на планината Чврсница во западниот дел на БиХ, кој се шири кон блискиот град Јабланица. Во справување со пожарот локалните власти побараа да бидат вклучени и хеликоптери.
Повеќе пожари беснеат и во централните делови на БиХ, како и во реонот на јужниот град Мостар.
Босанските медиуми јавуваат дека за сега е тешко да се одреди обемот на пожарите и предизвиканата материјална штета, поради густиот чад во опожарените реони.
Голем пожар од утрово беснее и на крајниот југ на Хрватска во близина на јадранскиот брег, кој на хрватска територија се проширил од Црна Гора.
Во тек е заедничка акција на хрватските и црногорските противпожарни служби за ставање под контрола на пожарот, во која се вклучени и авиони.
На териториите на Хрватска и Црна Гора во последниве денови беснееја поголем број пожари предизвикани од високите температури и сувото време.
Властите на двете земји предупредија дека во текот на претстојниот викенд се можни нови пожари, во очекување на налетот на нов топол бран и високи температури.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп