Горан Вангелов прв до светиот крст во Берово
Беровчанецот Горан Вангелов е најсреќниот меѓу триесетината учесници, кој го фати светиот крст во водите на реката Брегалница во Берово, при денешното чествување на големиот празник Богојавление-Водици.
Беровскиот градоначалник, Звонко Пекевски му посака многу среќа и успех на Вангелов и на сите учесници им порача истата среќа да ја имаат следната година.
– Општината ја поддржува традицијата, искрени честитки за сите кои се охрабрија и покрај ладното време да влезат во водите на Брегалница, на сите беровчани им посакувам да ги следи здравје и среќа. Најбитно денеска е мотивот и вербата на овие бројни млади момци кои учествуваа во фаќањето на светиот крст, додаде Пекевски.
Вангелов очекува здравје и среќа да го следи годинава.
– Чувството е прекрасно, а здравјето е најважно за секој еден човек. Ми беше чест да учествувам за традицијата на Водици, рече Вангелов.
Среќниот фаќач на крстот од општината доби шест илјади денари како и телевизор кој го додели општествено одговорната компанија „Зегин“.
Чинот на осветување на водите го водеа свештениците од црквата во Берово.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска