Големо невреме ја погоди и Албанија
Големо невреме, проследено со силен ветер, дожд, град и електрични празнења, ја погоди речиси целата територија на Албанија, предизвикувајќи поплави, материјална штета врз возила и објекти, како и прекин во снабдувањето со електрична енергија.
Посебно погодени подрачја се околиите на Ѓирокастро, Валона, Саранда, Корча и Шенѓин, каде ветрот корнеше дрвја, што предизвика и застој во сообраќајот. Во неколку области се уште се работи на отстранување на паднатите дрвја од патот.
Прекин во сообраќајот имаше во Валона поради високото ниво на вода по улиците. Во овој, како и во другите приморски градови, невремето предвика голема матерјална штета на угостителските и други објекти, а има неколку полесно повредени лица.
Невремето е причина и за повеќе сообраќајни несреќи во кои се повредени повеќе лица. Во една од сообраќајките учествувало возилото на руската амбасада, при што полесно е повреден возачот на автомобилот. Во сообраќајка во близина на Подградец повредени се десет лица кои патувале со џип, што излетал од патот поради силното невреме и неприлагодената брзина на движење на условите на патот.
Во многу делови во земајта поради искинати проводници и паднати столбови има прекин во снабудвањето со електрична енергија.
Ново на Сител
-
Андоновски: Очекуваме до следната година Македонија да добие бесплатен роаминг во ЕУ
-
Тема на денот со Сања Божиновска, министерка за енергетика
-
Николоски од Лондон: Со Велика Британија сериозно сме посветени на реализација на договорот влада со влада
-
Се заканува ли епидемија од сметот во Скопје?
-
Само еден глас пресуди да станат градоначалници
-
Мисајловски: ВМРО-ДПМНЕ освои 550 советници, има апсолутно мнозинство во локалната власт
-
Мециновиќ бара јавен дуел
-
Камиони, пари, станови и земјиште – замрзнат e имот на бизнисменот Марковски осомничен за злоупотреби во РЕК „Битола“