Голема тага и болка: Неколку часа по победата фудбалерите на Лестер допатуваа на погребот на нивниот сопственик во Тајланд

Еден ден по победата на Лисиците во Кардиф со 1:0 тие заминаа во Тајланд да му оддадат почит на нивниот „шеф“.

 

Во Банкок, главниот град на Тајланд допатуваа фудбалери и стручен тим на фудбалскиот клуб Лестер Сити за да му оддадат последна почит на нивниот сопственик, Вичај Шриваданапраба, кој загина во пад на хеликоптер.

 

Погребот започна вчера, а според информациите, сите погребни обичаи ќе траат се до 9 овој месец.

 

Менаџерот Клод Пуел, капитенот Вес Морган, напаѓачот Џејми Варди, дефанзивецот Хари Мекгваер и голманот Каспер Шмајхел се во делегацијата која е во Банкок.