Голема криза во Шри Ланка, училиштата затворени, нема горива, недостиг на храна и електрична енергија
Властите на Шри Ланка денеска ги затворија училиштата и побараа од владините претставници да не доаѓаат на работа, во очајнички обид да се справат со големиот недостиг на горива што се очекува да потрае.
Министерството за јавна администрација побара од државните службеници, со исклучок на вработените во основните услуги, денеска да не доаѓаат на работа поради „недостигот на горива и состојбата со сообраќајот низ државата“.
И јавните и приватните училишта денеска се затворени поради влошеното снабдување со горива, во време кога илјадници луѓе чекаат во редици на бензинските пумпи.
Шри Ланка речиси остана без бензин и се соочува со голем недостиг на сите нафтени деривати.
Владата на земјата што се наоѓа на раб на банкрот, последните месеци имаше големи потешкотии да најде пари за увоз на гориво, гас и други деривати.
Жителите на Шри Ланка со месеци чекаат во редови за да купат основни потрепштини, производи што воглавно доаѓаат од увоз. Слабата национална валута го попречи и увозот на сировини за производство што дополнително ја зголеми инфлацијата.
Демонстранти ги блокираа главните патишта барајќи гас и гориво, а телевизиските станици објавуваат информации за тепачки во одредени делови на земјата при обид да се дојде до некои основни намирници.
Властите соопштија дека ја исклучуват и електричната енергија по четири часа дневно, бидејќи нема доволно енергија за нормално функционирање на системот за електроснабдување.
Ново на Сител
-
Клековски: За само една година направиме две промени во позитивната листа , го зголемивме и бројот на ин витро постапки од 3 на 6
-
Мајор уапсен за шпионажа: Наводно доставувал информации на Русија за украинските борбени авиони
-
Над 100 луѓе се убиени во израелски напади во Појасот Газа за еден ден, соопштија здравствените власти во енклавата
-
Сиљановска-Давкова до Бирн: Ирска да продолжи да се залага за кредибилен процес на пристапување базиран на заслуги
-
Жители на Русиново остануваат на терен по синоќешниот пожар кај месноста Св Марко кој е локализиран
-
Министерот Тошковски присуствуваше на отпочнување на процесот за полагање на испит за ракување со оружје
-
Илјадници обожаватели се простија од Ози Озборн
-
Трамп воведува 25 отсто царина на индиска стока, критикувајќи ги врските со Русија