Голем шумски пожар во Португалија

Повеќе од 600 луѓе, од кои 500 пожарникари денеска беа мобилизирани во гаснењето на големиот шумски пожар во централна Португалија, пренесува Фена.

Службата за цивилна заштита соопшти дека огнот е ставен под контрола.

Два авиони, еден хеликоптер и 200 возила учествуваа во гаснењето на пожарот, кој од вчера попладне изби во Алваро.

- Постоеше закана пламените да се прошират на оддалечените куќи, што создаде паника меѓу населението, поради што е евакуирано, изјави портпаролот на пожарникарите Руи Еставес.

Прогласено е предупредување од евентуални пожари во шест комуни во средна и јужна Португалија. В0 2013 година од јануари до крајот на август во пожарите во Португалија уништија над 94.000 хектари шума.