Голем пожар во Јужна Кореја - изгореа најмалку 44 куќи, над 300 луѓе се евакуирани

Стотици луѓе се евакуирани поради големиот пожар што денеска зафати делови од јужнокорејскиот крајбрежен град Гангнеунг во источниот дел на земјата.

Најмалку 44 куќи се уништени во пожарот, а повеќе од 300 луѓе се евакуирани, соопшти Министерството за одбрана и безбедност на Јужна Кореја. На терен се повеќе од 300 противпожарни возила и 700 пожарникари кои се обидуваат да го изгаснат пожарот, се додава во соопштението на Министерството за одбрана и безбедност.

Засега нема информации за загинати и повредени.

На пожарникарите им пречат силните ветрови кои не дозволуваат пожарот да се изгасне од авион. Шумскиот пожар започнал на блиската планина и брзо се проширил кон градот.

Пожарот досега изгоре повеќе од 170 хектари земја.