Голем пожар на автобуска станица во Сараево, има повредени | Видео

На автобуска станица во Сараево околу 13 часот денеска избувнал пожар, а според првите информации на сараевскиот портал „Кликс“, има и повредени.

На местото на настанот се испратени неколку противпожарни екипи.

Пожарот зафатил продавници во рамките на автобуската станица.

Густ чад бргу ја прекрил областа, а многу луѓе во паника го напуштиле просторот на станицата.

На местото на настанот се испратени и екипи на брзата помош и на полицијата.

Според неофицијални информации, пожарот извувнал од експлозија на плинска боца.