Голем пожар кај Омиш во Хрватска, ангажирани 23 возила и 82 пожарникари

Голем шумски пожар избувна синоќа кај Омиш во Хрватска, а неговото гаснење е во тек, јавуваат хрватските медиуми.

 

Пожарот избувнал кај Шумпетар и Јесенице во областа Омиш, а во гаснењето се ангажирани сите пожарникари од подрачјето на Омиш.

 

„Со оглед дека на теренот дува силен ветер, се засиливме со пожарникари, па сега местото на пожарот има три јавни противпожарни станици, заедно со тие на Омиш. Вкупно 23 возила и 82 пожарникари го гаснат пожарот”, изјави за Хина, оператор во Противпожарниот и оперативен центар на округот Сплит.

 

Засега не е познато колкава по0вршина е зафатена со пожарот.