Голем пад на температурите од среда

Пад на температурата за 10 до 12 степени најавуваат метеоролозите од задутре. Топлото време со температура до 31 степен ќе се задржи уште утре.

Од среда максималната темпратура ќе достигне до 24 степени. Ќе дува засилен ветер од југозападен правец, ќе има повремени врнежи од дожд со појава на ретки грмежи.

Во четврток времето ќе биде променливо облачно и доста свежо со слаб локален дожд и умерен северозападен вретер. Во петок и за време на викендот времето ќе биде стабилно и свежо со ниски утрински температури.

Утринската во среда ќе се движи 7 до 14, во четврток 6 до 12, петок од 4 до 11, сабота од 3 до 10 и во недела од 4 до 11 степени.