Гојковиќ: Србија нема да поставува огради поради бегалците
Србија ја почитува одлуката на Словенија, која денеска почна со поставување ограда на дел од границата кон Хрватска, но таа никогаш нема да инсталира жици или огради на своите граници, иако досега низ нејзина територија минаа околу 370.000 бегалци, изјави денеска во Љубљана претседателката на српското Собрание, Маја Гојковиќ.
- Србија смета дека секоја држава која има проблеми со емигрантите треба да спроведе мерки за заштита на своите внатрешни интереси, но иако очекуваме зголемен бегалски бран, Србија нема да гради огради на своите граници, бидејќи смета дека со тоа нема да го реши проблемот, изјави Гојковиќ по средбата со нејзинот словенечки колега Милан Брглез.
Таа нагласи дека поставувањето на жици и огради само би го зголемило криминалот, бидејќи имигрантите и натаму ќе се обидуваат да стигнат до Западна Европа, а со затворањето на границите ќе се интензивираат активностите на шверцерите со луѓе.
Како што јави ФЕНА, Гојковиќ рече дека Србија до сега немала проблеми со згрижувањето на омигрантите кои транзитираат низ нејзина територија, иако, како што нагласи, 90 проценти од трошоците за таа намена земјата ги покрива од сопствениот буџет.
- Очекуваме од Европската унија да се најде заедничко решение за оваа криза на местото на кое таа се појави. Сега ние се занимаваме само со последиците, но Европа би треало да се посвети на причините за кризата, нагласи Гојковиќ.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден