Годишната инфлација во Турција за декември изнесувала 11,9 проценти
Потрошувачките цени во Турција во декември се зголемиле за 11,9 отсто во споредба со истиот месец минатата година, покажуваат податоци што денеска ги објави турскиот институт за статистика.
Инфлацијата во декември била пониска од 12,98 проценти колку што изнесуваше претходниот месец, што беше највисоко ниво на стапката на инфлација во последните 14 години.
Трошоците за превоз во декември пораснале за 18,24 проценти на годишно ниво, а цените на храната и безалкохолните пијалоци се зголемиле за 13,79 проценти. Цените на здравствената заштита и стоките за домаќинство, исто така, забележале двоцифрено зголемување.
Турција соопшти дека во третиот лански квартал остварила економски раст од 11 отсто, но инфлацијата останува висока и лирата се уште е слаба во однос на странските валути.
Лирата падна и по денешната објава за податоците за инфлацијата, па така во моментов едно евро чини 4,5 лири, а за еден долар се добиваат 3,77 лири.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници